劲幸福！杨怡左拥爱犬右抱囡囡 陈自瑶都嗌Sweet

etin

艺人杨怡早前为老公罗仲谦诞下囡囡小珍珠，作为新手妈妈嘅佢，经常留喺屋企照顾囡囡，不过杨怡仍活跃喺社交网，同网友互动！昨日佢喺社交网上载一张抱住囡囡同狗仔嘅相，虽然一面素颜但依然好精神奕奕，比起之前更清减唔少，佢留言：“左拥右抱，有没有妈妈这刻是和我一样的呢，请举手#珍珠x啫喱#蕃薯哥哥在洗白白”又问罗仲谦：“爸爸你妒忌吗？”唔少网友大赞佢非常幸福，连身为妈妈嘅陈自瑶亦留言：“So sweet！”另外，杨怡喺社文网透露帮囡囡换床，点知罗仲谦竟然提议要换就换张大啲，结果换咗张大床，令杨怡笑言可以用到囡囡结婚都得。​