搵“阿妈”联手冧汤洛雯！马国明做务实人：不沉溺幻想

etin

视帝马国明自认恋汤洛雯（靓汤）后，成个人都唔同晒，时刻都流露住幸福笑容！今次佢搵埋“阿妈”黄淑仪（GiGi姐）出手拍片冧靓汤添！GiGi姐喺《On call 36小时II》饰演马国明阿妈，马国明一嚟就问：“阿妈～今晚食乜餸？”GiGi姐就话：“食乜餸有乜所谓啫，至紧要有锅靓汤，哎唔系…至紧要有靓汤！”马国明听后点晒头咁一面冧爆！

而佢都喺社交网上载咗新相，写下：“做一个简单……踏实……而务实的人……不沉溺幻想……不庸人自扰……💪💪💪”相中嘅佢坐喺梯级望住地下，若有所思咁！网民都赞佢“确系一个踏实嘅人”，更惹嚟圈中人忍唔住玩佢，胡鸿钧留言：“请解释点解可以咁型🙈”张达伦见佢望住地下，就笑问：“跌咗嘢落地下？”萧正楠忍唔住搭讪话：“倒泻碗汤🤔”马国明冇好气咁回覆：“搵紧畀你哋赚咗嘅$$$……🙄🙄🙄”对话令人发笑！​