汤宝如与网民驳火 麦包新店无辜受牵连

etin

艺人麦长青（麦包）疫市开店获唔少圈中好友支持，就算戴住口罩都赏面出席，麦包果然人缘甚广。其中艺人汤宝如亦有撑场，并将合照放上社交网帮手宣传，点知却引来与网民驳火！有网友留言以为麦包新店系卖包，点知汤宝如竟然回覆该网友：“系呀！同你打包（将遗体放入尸袋）啊！”之后网友就回覆：“我讲错嘢开罪你咩？”虽然汤宝如自觉闹错人并补镬：“没有！没有包卖的！”但有其他网友睇唔过眼留言：“哗，人哋一句以为卖包，就话同人打包，恶到咁，公众人物就收敛吓啦。”亦有网友认为佢直接话麦包新店系卖和牛食材，觉得网民无聊可以唔回覆，但就唔应该恶意攻击。

对于汤宝如于社交网留言惹祸一事，麦包表示：“冇乜大问题，嚟得支持都系我好朋友，嚟得嘅都系顾客，感激大家，要开开心心，我做生意食四方饭，最紧要以和为贵！（担唔担心影响生意？）呢啲我控制唔到，做好自己，清者自清，依家问题都解决，唔想刻意讲啲乜嘢，多谢大家！”​