黎瑞恩排戏包三餐 马浚伟约埋开农场

etin

艺人黎瑞恩（小恩子）与马浚伟合演舞台剧《男人40 CEO》。投入彩排个多月，台前幕后已打成一遍，小恩仔每日贴心为拍档们供应膳食与汤水，又派发印有各人名字的暖壶作小礼物。马浚伟说﹕“佢知我独资今次演出，就同我讲要‘包3餐’，以减轻我嘅负担。我话一系一人一餐啦，佢点都唔肯，即使佢有时唔使彩排，都帮我哋叫到成枱嘢食，试过有次啲嘢食逼爆个雪柜，度门自动弹开咗。”

他又欣赏小恩子生活贴地﹕“佢好‘放低身段’，试过因为助手接唔切佢电话，佢就自己拖住个大箧、拎住大袋衫同汤煲出现喺我哋面前。”小恩子今次酬金早已“使凸”，她却开怀笑说﹕“我当自己交学费学嘢啰。我从未演出过舞台剧，而对手都系咁有经验嘅剧界演员，觉得一齐食饭可以亲切啲，都系多个人、多双筷啫，平日我都真系好锺意请人食饭。”今次小恩子扮演一名“猪秘书”。谈到过往的“猪事”，小恩子笑谓﹕“试过喺街见到个男人好似我舅公，我主动走埋去打招呼，对方一脸愕然好惊咁，后来我知道认错人﹗”

马浚伟亦有类似经验﹕“我行行吓街有个男人好热情咁同我打招呼，我认唔出佢，但担心系旧同学或者旧街坊，所以停步同佢倾偈，直到佢话﹕‘真系好耐冇见你⋯喺电视出现’，我先知大家素未谋面﹗之前撞番曾经一齐参加过歌唱比赛嘅女生，我哋曾经好熟，不过第一眼我竟全冇印象，有啲尴尬。”今次演出舞台剧，马浚伟将接受“终极挑战”，扮演已故天王米高积逊跳劲舞之馀，还会偕小恩子合跳国际标准舞。他形容自己“连个唱都唔会咁做”，落力带给观众惊喜。

至于小恩子则表示仍在努力记台词﹕“要背熟到可以掉咗个剧本落垃圾桶，不过依家彩排睇到其他人嘅演出，会当咗自己系观众咁哈哈大笑，忘词同唔记得轮到自己讲对白。”二人有意将“缘分”延续到“务农”方面，约定日后开农场“预埋对方”。马浚伟说﹕“去到某个年纪，相信我会退居幕后，搵块田种吓嘢、帮病人把吓脉，效法神农氏啰！”​