|
以往成为艺人最常见系由星探发掘，不过唔系个个有幸喺读书时期或刚毕业遇上，而且“打死一份工”未必系好事，究竟佢哋投身娱乐圈前系做咩职业？
陈展鹏 当大家认为陈展鹏撇唔甩亚视阵除时，其实佢系参加无綫艺员训练班第7期入行，1998年更签过唱片公司做歌手，可惜金融风暴令佢工作大减，最低潮时期投身地盘界，半年后因脚伤辞职，后来加入亚视，2008年再返无綫凭《城寨英雄》“拳佬”一角夺得视帝！
萧正楠 与陈展鹏为小学同学嘅萧正楠，大学修读电脑系，毕业后做过电脑程式员，估都估唔到个性幽默风趣嘅，原来曾经做过I.T.行业。黄翠如电脑坏咗都唔使出去搵人整喇！
曹永廉 曹永廉入行前除咗做过超市经理及童装售货员，仲做过胸围推销员，系现实版《绝世好Bra》！凭佢做过sales嘅工种，加埋拍剧多年成功入晒屋，深得师奶欢心。
姚子羚 姚子羚爸爸生意同样受金融风暴影响，当时于澳洲读大学嘅佢都要放弃学业，曾做过兼职啤酒推销员帮补生计，有次更遭客人拍打屁股非礼，幸得菲借同事出手帮助。
陈茵媺 于多伦多安大略大学艺术与设计学院毕业嘅陈茵媺，曾先后于绘图设计公司及时尚杂志工作。从小憧憬成为香港小姐嘅佢，2006年回港参选并勇夺冠军，签约于无綫当艺员，继而与老公陈豪组织家庭，相夫教子做幸福少奶奶。
郭蔼明 1991年港姐冠军郭蔼明出名美貌与智慧并重，于美国南加州大学修读机械工程学硕士学位，曾一度传出佢入选美国太空总署（NASA）担任见习工程师，最后否认传闻，指当年只系喺一间私营公司实习。
谢安琪 谢安琪毕业于翻译及语言学，讲得一口流利英语，入行前担任过英文老师，热爱音乐嘅佢后来投身乐坛，成为天后。
同场加映： 唔少女艺人入行前做过空姐，包括黄智雯、刘佩玥、朱智贤、AGA、李若彤、谭小环、郭羡妮等，唔知有冇人被佢哋serve过呢？ ​
| 
窥视卡
雷达卡
发表于 2020-7-18 10:05:37
提升卡
置顶卡
沉默卡
喧嚣卡
变色卡
千斤顶
照妖镜