因疫情转趋严峻,全港食肆于星期三开始每晚六时起禁止堂食,圈中好多屋企冇饭开的艺人惟有靠外卖医肚,独居的“星梦一姐”菊梓乔(Hana)平日都有买外卖开餐习惯,喜欢浓味食物的她特别锺情吃内脏,例如芥兰炒牛杂、鲜鱿炒猪杂等,前晚不用开工的她表示:“我就唔使排队买外卖,基本上成条街都好似冇乜人,我去嗰间类似大牌档嘅食店买外卖小炒。”
瘦蜢蜢的她自爆是大食妹,一人会叫五、六味小炒餸菜,她笑说:“我真系食好多嘢,一日食三、四餐,所以买几个小炒,食剩第二朝可以再食,(咁悭食隔夜餸?)唔悭㗎都要几百蚊,依家求其炒碟嘢都要80几元,但我人生最大嘅娱乐就系食嘢,有时连续开几日工,都想食番餐好㗎嘛!”
何雁诗喺车喂饱郑俊弘 何雁诗前日孖未婚夫郑俊弘(Fred)在湾仔工作完,刚刚过了晚上六时,因为两人太肚饿,她即刻飞去一间泰菜店买了三个小菜,但要上车食,她笑说:“我哋喺车度食晒,因为阿Fred揸车,我一路夹啲餸畀佢,一红灯就畀啖佢食,我哋好似好耐冇嘢食咁,本来系当下午茶,但食完都饱晒。”因为疫情关系,她坦言少出街食,最近在家中叫外卖较多,由于她住得偏远,选择不多,所以经常食至爱的越南河。
唔想阿妈冒险去街市 陆诗韵嗌边炉外卖返屋企叹 艺人陆诗韵在禁堂食下,就叫边炉外卖给家人享受,她觉得在家进食还是最安全:“冇乜嘢我都留喺屋企唔出街,疫情关系都唔想妈咪同工人姐姐去街市买餸,叫外卖返屋企打边炉最舒服,边炉嘅嘢都好OK新鲜。”她坦言最近多了时间陪伴家人,依家有时间又会执拾一下,虽然都多买外卖或者叫外卖,但她都经常用气炸煱整食物。
无綫饭堂前晚都被禁堂食,节目主持何依婷坦言开工前食了个饭团顶肚,因为之后工作关系没有时间进食,而陈山聪就惯常带私家饭开工,因为比较健康,他说:“寻日我喺厂拍咗一场就出外景,冇喺公司餐厅食,喺车度食完就开工。”
|