艺人周志文与细佬周志康、翟威廉、罗浩铭为新歌《人马座》拍摄MV,请来女神苏皓儿(Chloe)担任MV女主角,罗浩铭刚巧有朋友是剑道高手,便请对方担任剑道顾问兼借出正统盔甲及木剑,令专业感全面提升!此歌由翟威廉作曲、作词,“大细孖”志文、志康合唱,众人于南生围拍摄,全以剑道Look示人,充满灵气!
周志文希望新歌可以八月推出:“之前我哋第一首歌是《不是富二代》,而《人马座》系讲不受管束嘅感觉。(对翟威廉表现如何?)我哋梗系满意啦!(有冇畀意见?)多多少少都有,每一个星期威廉都会update(更新)吓,佢通常有好多个options(选项),大家都会倾吓,(有冇谂过创作一首?)有咁嘅谂法,不过因为我哋成个团队,分工好清楚,威廉嘅创作系意想不到,佢系一个深藏不露嘅男人。”
问Chloe是否义务演出?周志文说:“我哋会同佢私底下计,威廉系我哋嘅总管。”提到众人于烈日当空要在郊外拍摄剑道,他说:“今次威廉好早有计划,想有啲动作喺MV入面,其实当日拍起嚟都好攰,不过大家都做到个感觉出嚟,Chloe、陈安立同威廉都做得到,好有功架。不过我哋好多人都差啲中暑,陈安立就真系有中暑感觉添!”提到于社交网上载吓到Chloe𠵱哗鬼叫的短片时,他解释:“我哋拍摄嗰日都早早哋,到佢差唔多埋位,见佢好攰咁,我咪帮佢提一提神啰!真系好好笑。”
由于拍摄当日天气酷热,他们在烈日当空之下,拍足十二小时,要频频饮水降温,期间更遇上大蜜蜂“袭击”,罗浩铭与陈安立被叮中,幸无大碍,抖一抖便继续开工,外表娇柔的苏皓儿,面对大蜜蜂竟然丝毫没有惧色,非常冷静!至于Chloe则说:“今次拍呢个MV我就第一次接触日本剑道,MV拍咗三日,事前都学咗一日度招数,而周志文、周志康同翟威廉都系我嘅好朋友,拍摄时都似大家喺度玩咁,如果要讲辛苦嘅地方,系夏天着住剑道衫比较厚,我哋喺南生围同石滩晒住拍系好辛苦嘅,而一个动作都重覆做好多次,把剑好重,拍完只手系抬唔起,不过拍时啲气氛同拍出嚟嘅效果都好好,同埋发现自己有一样技能,我系好容易出汗嘅人,但暴晒后我块面都系冇汗嘅!我觉得好神奇。”
|