邝洁楹为新剧操剑变甲组脚：身形好怪

etin

艺人邝洁楹（Judy）、吴子冲日前一早为无綫新剧《七公主》，到东区裁判法院门口拍外景，二人均身穿套装，Judy指剧中有两个身份，正职是实习事务律师，但真正身份是剑击爱好者，有多场剑击戏份，大叫紧张：“仲有三场未拍，系大比赛嚟，第一场拍得最舒服，因为话我仲未系好劲，愈后期就愈要专业。”

讲到吴子冲现实中有廿年剑击之龄，剧中都有骚Quali，问到Judy可有请教对方？吴子冲即谦称：“我唔劲嘅，只系兴趣嚟！”Judy就大赞对方好劲，所以都有偷师，同时监制找来一个高手从旁指导：“教练系玩咗30几年，依家都训练咗4个月，一有时间就会去练剑。”有爱上此运动？她抵死笑话简直是又爱又恨，大呻身材因而大走样：“先讲爱嘅方面，冇谂过廿几岁人会学到一个新嘅运动技能、兴趣，但恨方面，我只脚粗咗好多呀！对脚长期都好肿胀呀！反而上半身个人连块面都有瘦到啲，身边啲人都觉我依家身形好奇怪，都有走去Search香港嘅剑击女子队，跟住就发现每位选手都系小腿粗过大腿，全部都好扎实，依家好Sad！”

另外，再讲起她月头刚过28岁生日，指获处境剧《爱•回家之开心速递》演员制作惊喜Party，相当感动：“非常之有爱嘅剧组，之前有离开过剧组，上年回归又正正撞正生日，连续两年同我庆祝，最开心系收到生日卡！”又谓牛一当日可以放早同屋企人食饭庆祝，谈及她早前自爆的圈外追求者，Judy怕丑话有约食饭：“但呢排都开两边剧，仲未食到。（有进一步发展可能？）我要再了解吓先，未深入咁倾到偈！”​