汤怡与洪卓立拍拖11年后分手告终,令外界大跌眼镜,然而分手后仍关系微妙!汤怡坦言遇上问题时仍会找前度商量,近日更因两只爱犬而不时相约会面,至于会否复合,她大方说:“Never say never!”又承认分手两年,身边出现不少异性,却苦无下文:“身边朋友戥我心急,连妈咪都问我拖拍未。依家嘅我会睇定啲先开始一段感情,事关要搵嘅系陪我走到最后嘅人生伴侣。”
突然要放下与洪卓立的感情,汤怡至今仍形容为“最艰难的抉择”:“大家都考虑咗一年先决定,当时日子一啲都唔易过,好记得公开咗分手后好多媒体追访,嗰时我去拍《死因无可疑》,楼下镁光灯闪唔停,上楼就要同陈家乐拍床戏!”她坦言分手是希望双方“专心事业发展”,虽是老生常谈,但对她来说却是切实的问题:“平时有依赖,但分手后就要独立及坚强。我都三十有几(岁)啦!搏系呢几年!”
回想当初入行一直被指有别人影子,汤怡希望日后能够拍出代表作,还自爆入行辛酸史:“其实我曾经花过两、三年学唱歌同跳舞,但真系冇潜质,中途曾经想过退出娱乐圈,仲要畀妈咪闹成日赋闲在家,我就坚持自己唔食,都要畀家用!”
谈到无綫首部剧集《反黑路人甲》下月推出,虽未知成绩,汤怡已向无綫“献媚”:“(拍剧)机会等咗好耐,当然想再拍落去。(羡慕陈家乐拍完《逆缘》人气急升?)戥佢开心,但我唔会畀压力自己,呢啲嘢有时系讲有冇运。”​
|