歌手菊梓乔(Hana)呢排赶拍无綫剧集《刑侦日记》,日前佢喺社交网嘅限时动态中,上载咗张血痕嘅“肉”照,令fans大喊心痛:“Hana受伤了。”不过唔使担心Hana住,佢话唔系受伤,只系去咗做刮痧啫,fans唔使恐慌,佢仲好好,工作如常。
不过其实佢日前真系遇上一件惊险事,就系屋企个电掣漏电,搞到成屋停电,喺咁热嘅天气下,冇电等如冇冷气,真系随时会“热死宝宝”!好在几个钟头内,有师傅上门帮佢维修,好快就有番电,佢话:“真系都几麻烦,屋企第一次漏电,都唔知点处理好,好在自己冇电亲!(咁雪柜啲嘢食咪臭晒?)咁又冇,因为立即搬咗去朋友度,只系成间屋黑晒啫。”
问到近日喺酷热天气下拍剧,会唔会觉得特别辛苦?Hana话拍剧一啲都唔辛苦,仲觉得好好玩添,同埋都唔担心中暑,皆因会带定凉茶开工,同埋好好彩,多数系开夜班,唔使同阳光玩游戏!​
|