今年多位港姐入围佳丽被爆“黑历史”,当中26岁麦淑萤(Mary)被读者爆料指与男友人涉及多宗金钱纠纷,更疑似裸照流出遭勒索! Mary表示3、4年前已经报过警,佢之后再接受访问时直言前男友曾将照片Send畀佢公司及身边人,不过佢就唔肯定相片真伪,唯一系确定佢喺有意识或者自愿嘅情况下影裸露照片:“前男友曾将这些照片发给我的公司及身边朋友,我三、四年前亦曾经因为这些照片被勒索而报警三至四次。至于相片真伪我不确定,但系我好肯定我从来都冇喺有意识或者自愿嘅情况之下拍过这些裸露照片。” 而稍后,Mary亦于社交网上载自拍短片,当中提到“烦恼事情真多,究竟要玩多久”似乎间接回应被爆料一事。事后,佢再晒出到酒楼叹点心嘅照片,相信已回复心情。 曾与她传绯闻的富二代陈嘉华接受访问时表示对此事知情,他说:“我知道呢件事,之前佢私下有同我诉过苦,佢都系受害人,佢好惨。我识咗佢好多年,佢系好女仔,系个比较单纯同简单嘅女仔,希望唔会影响到佢参选。” 当年曾陪Mary报警兼签过她做艺人的前卡拉OK老板娘刘丽萍对此表示:“4、5年前签佢嘅时候,已经有人喺社交网站搵我又寄信去我间卡拉OK,畀咗啲相我睇,叫我唔好捧佢,否则就会将啲相发出去,我冇理佢,Mary话对方寄埋啲相畀佢家人,所以我就同佢一齐去报警备案。后来有人仲将我旗下艺人嘅头像移花接木落裸女度。Mary十八岁就跟我学唱歌,我识咗佢好多年,佢好乖而且又孝顺,唔希望呢件事影响到佢。”
|