|
艺人杨明、高海宁、陈晓华与朱敏瀚等,现身电视城,出席剧集《迷网》宣传活动。高海宁的丝质上衣,令其丰满上围更见特出,走路相当跌荡,她却娇嗔谓:“今日先畀杨明话男人扮女人!”杨明即笑说:“我系话你女人扮男人,短发啱你,好型呀!(叫你女友庄思明剃光头啰!)咁又唔啱佢喎。”高海宁表示喜欢短发:“因比较清爽,不过好多朋友叫我影辑相留念嘞,大家比较觉得我都系长头发好啲。”
谈到今次拍剧难忘事,高海宁自爆瘀事:“有场戏讲我醉酒,为咗入戏真系饮咗几啖,我本身又唔饮得,结果出事嘞,最终要杨明同个工作人员送我返屋企。”杨明闻言无奈谓:“佢前后饮咗4啖,起码讲‘我醉嘞’百几二百次,我话尖沙咀(外景地)个个都知你醉嘞。”原来早于高海宁前,亦试过有女艺人在杨明面前,发生同样事件:“嗰个醉到连戏都拍唔到。(咁思明好饮得?)系,我谂系遗传嘅。”
|
|