有微言！后生女誓抢风头 孙慧雪被幕后要求减肥

etin

艺人孙慧雪、李君妍等到电视城出席节目《姊妹淘》拜神，讲到节目由J2升呢到翡翠台播出，李君妍笑言：“本身仲以为斩咗就冇得做，节目可以训练到主持技巧，因为我讲嘢唔叻。”阿雪就笑言自己在节目内负责教整甜品：“拍一日要煮5个，我喺屋企练习整，教之前一晚仲瞓唔着，好大压力，因为自己煮同教人煮系两回事，平时自己会乱嚟，但教人就要好准确。”她又笑言老公曾投诉她煮完不让他吃：“所以我今日开厂都特登留番畀佢食。（囝囝都会食？）系呀，佢喺屋企同我一齐整添。”

而李君妍就负责教做运动：“去gym room，都有少少辛苦，因为要做几次，不过就可以乘机减肥，而9月要拍新剧《拳王》，又要练打拳。”阿雪就大感羡慕，笑言对方可以减肥：“我整完又要食番，好难减到肥。”而讲到有指一众“后生女”会加盟节目，两人坦言“后生女”会来做model示范，笑言她们与自己相差10岁，阿雪还笑言：“好大压力，而且幕后同事有微言，觉得我fit啲好啲，要求我减肥，所以好大镬。”​