艺人陈凯琳日前宣布再为老公郑嘉颖佗B仔,贪靓嘅佢腹大便便都要着高跟鞋出席公布性别派对,认真爱靓唔爱命。昨日陈凯琳上载一系列与闺蜜龚嘉欣影嘅婚纱照,相中两女着上姊妹装婚纱,见腹部仍未隆起,相信系之前影落。
陈凯琳留言:“自从结婚之后,我心谂⋯应该以后都冇机会穿上婚纱~👰🏻点知我个好姊妹 @kungkaty 提我要记得就算结咗婚做咗妈咪都要保持小公主嘅一面。穿上华丽嘅纱裙,扮靓靓,系要让自己开心一点,绝对唔系问题❤️既然系咁就不如一齐享受下Princess-for-a-day嘅生活先⋯😉👑”佢仲乘机为正有新剧《杀手》热播中嘅龚嘉欣宣传:“呢个造型同杀手嗰个真系好唔同~超级锺意妳做打女!虽然知道你拍嘅时候好辛苦,但系真系好有型喎!”真系够晒好姊妹。​
|