【是非一箩箩】刘佩玥否认姊妹不和

etin

艺人刘佩玥（Moon）到电视城出席新剧《逆袭人生》（暂名）造型暨拜神仪式，短裤上阵的她透露剧中常穿背心、吊带、短裤：“比较自由奔放嘅女仔，同埋系结过婚，但两次老公都死咗。（“劏猪櫈”？）系啰，克死老公，所以话佢坚强外表下系内心脆弱。”她又谓为了配合较性感造型，要特地加紧做运动操练。讲到剧中她与邓佩仪、蒋家旻、陈庭欣中学时期开始是好姊妹，她笑言自己仍可扮到中学生：“讲我哋本身系好姊妹，但有啲误会，大个咗就各散东西，但未知系咪反目成仇。同埋大家系见过世面嘅女仔，变咗中女。”

而讲到现实中，其好姊妹冯盈盈与江嘉敏亦传不和，她即谓：“仲讲紧？唔讲啦，好闷，唔想呢件事再发酵。（话盈盈系大话精？）成件事哗众取宠，咩唔咩大话精唔系当事人点会知。（你做中间人调停吓？）唔需要啦，系咪真系发生呢啲事，我做唔做和事老都唔需要同大家讲，想件事快啲淡化。（话你唔想牵涉件事，所以转同苟芸慧埋堆？）其实苟苟好惨，我同佢好冤枉，我有唔同朋友，咁咪有好多堆？唔觉得我嘅友谊要牵涉到呢件事。”

另外，亦有指她与陈滢因周志文而传不和，故避开同一日出席乐易玲生日会，她即大呼：“其实我同陈滢每日都会联络，唔好嘅嘢夹硬堆砌出来，成个环境需要啲好嘢，假嘅嘢唔需要再发酵，谣言止于智者，我就系智者，哈哈。”​