返娘家拍剧！周家怡升呢做主角：唔系酬劳问题

etin

艺人周家怡出席英皇电影《死因无可疑》首映。谈到她即将回归“娘家”无綫，伙拍罗仲谦同郑嘉颖等，演出重头剧《儿童医院》时，她开心表示：“其实今次返去拍剧，系因为同导演及编剧方俊华同潘漫虹嘅关系，当年佢哋开剧，我先有人识，所以对今次嘅合作相当期待。”

问到是否有“衣锦还乡”的感觉？她即谓：“讲咩呀？不过今次返去拍剧真系有好大感觉，最紧要系拍到一部大嘅作品。”记者打趣指她以前拍医生题材的剧都是扮护士，今次终于“升职”做医生，她说：“都咁嘅年纪啦，我以前拍医护剧从未入过手术室，今次终于可以一偿夙愿。（酬金方面好吸引？）唔系酬劳问题，最重要导演及监制好好，加上遇到好剧本同好对手。”剧集预计七月初开工。

有指家怡今次以“女一”身份登场，她谦称：“唔好咁讲，系主角之一啰。（今次有冇提出特别嘅要求，例如休息时间长啲？）剧组会采用拍摄电影嘅手法，预计会比较舒服。（角色有咩要准备？）染黑番啲头发，因为我个角色好乖嘅，所以外型上都要配合。”​