【今日至醒】胡定欣登记1万蚊变父亲节礼物

etin

在父亲节大日子，好多艺人都“应节”晒相，庆祝方式更系层出不穷。视后胡定欣喺社交网上载同爸爸合照，胡爸爸单手揽实阿女，十分温馨。而呢个孝顺女决定借花敬佛：“转头帮你登记拎1万蚊做父亲节礼物。”大家都激赞Good idea！

而艺人郑希怡（Yumiko）就大爆爸爸乌龙事，原来郑爸爸喺街上见到徐子珊嘅海报，但竟然认错系阿女，搞到Yumiko哭笑不得：“连个女都认错的爸爸。”十分搞笑！

另一厢，余香凝上载与余洁滢、爸爸三父女合照，不过就将爸爸个样P上周润发，原因居然系余爸爸以防网上陷阱：“好想post父亲节嘅相，但系爸爸成日话网上多陷阱，唔好将自己嘅个人资料同埋自己个样摆上网，亦都千叮万嘱叫我唔好将佢摆上网。而系我心目中爸爸好似周润发咁靓仔，所以... 父亲节快乐！”