谭杏蓝搞《星光大道》聚会 罗力威拖大肚雨侨晒恩爱

etin

歌手谭杏蓝参加亚视《亚洲星光大道》第一届歌唱比赛而进身乐坛，仲记得当年罗力威获得冠军，事隔11年，“星光一班”嘅学员各有唔同嘅发展，但友情依旧，不时有聚会。昨日佢哋又聚埋一齐，出席嘅有安俊豪、蔡梓铭、陈蕾、谭杏蓝与男友赵善恒、戴铠霖、李明宪，仲有罗力威带埋腹大便便嘅雨侨出席。

谭杏蓝喺社交网站上载咗一张合照，相中大家开怀大笑，坐前排嘅箩咁大个肚嘅雨侨，同样笑得好开心，完全融入其中。谭杏蓝留言：“十一年，就这样相识十一年了，有人结婚，有人当了中医，有人继续在演艺路上努力，有人到了日本升学，有人快要当爸爸了！”