马国明祝福许志安有新开始：从来冇嬲佢！

etin

刚承认与汤洛雯（靓汤）拍拖的视帝马国明，心情大靓为无綫剧集《BB大晒》开工，期间大受街坊欢迎，马国明也有向他们挥手，被街坊大赞又高大又靓仔又有礼貌。对于公开恋情友全城祝福，马国明笑指没想过大家如此反应大，谈到靓汤冧数他5个优点，马国明也甜笑说：“哈！多谢佢！（佢话有啲怕你，因为仰慕你喎！）佢讲啫！一齐相处都唔觉佢怕我，相处唔系要边个怕边个，互相扶持啦。（恋情全城关注有压力？）又冇，正常，当初要讲出嚟就系唔想有压力。（拍拖两个月已经被撞破？）我哋喺公司成日食饭，好随缘，愈避忌愈辛苦，影到就公开，估唔到咁多人祝福，多谢大家（连靓汤父母都丧赞你！）多谢佢哋。”

至于当日旧爱黄心颖背他搭上人夫许志安，事件发生后安仔一直停工，直至昨晚终“复出”录影ViuTV音乐节目，马国明也大方送祝福：“希望佢冇事，件事过咗咁耐，大家都要向前看。（原谅佢？）从来都冇嬲，心颖都冇嬲，件事发生后好快就冇嬲，无谓摷番出嚟讲啦！希望安仔复出可以有个新开始，心颖都有个新开始，我唔知佢依家点，希望佢都搵到另一半，事业上再做番好啲！”​