陈家乐做咩拮到汤怡咁痛？

etin

艺人陈家乐和汤怡现身尖沙咀，出席主演英皇新片《死因无可疑》谢票活动。家乐表示导演袁剑伟对他十分照顾：“其他演员1、2个take就得，佢要求我做出同平时唔同嘅演绎方法，所以成日NG，试过十几个take先收货！我睇番都觉得同平时嘅自己好唔同，尤其眼神方面。”

今次与多年老友汤怡演情侣，且有激烈床戏，不过汤怡谈起即说：“佢话好唔锺意赛后检讨！”家乐闻言即急忙补充：“平时唔熟嘅对手，拍完就拜拜，今次佢系咁问我觉得点，仲话我啲须拮到佢好痛，我听完个心都乸住，好似我表现好差咁，咪截停叫佢唔好再讲落去喇。”

他指明白一般女生都不喜欢男士有须根，又笑指汤怡唔识享受。记者打趣问他连小姐（女友连诗雅）是否识“享受”，他说：“冇冇冇，我讲一般女仔啫，冇指定边个。你哋（记者）问啲我识答嘅嘢啦，其他嘢唔知。”家乐又表示希望尝试留须：“想试多啲唔同嘅嘢，如果有新角色可以留须就好喇。”​