56岁仲要拍打戏 黎耀祥受伤膝头都肿埋

etin

艺人黎耀祥（祥仔）、海俊杰、曹永廉及韦绮姗今晚现身将军澳电视城，为本周六举行的慈善节目彩排唱歌环节。祥仔及海俊杰齐齐受访，问到祥仔独对三个唱家班可有压力？他指有，还讲笑话一开始唔想唱：“后尾佢哋话系唱啲经典歌，叫我唔使怕，咁我登台搵食都唱过，就放心好多，加上又系做善事。”

讲到由祥仔主演的新剧《杀手》将于本月播出，他表示好期待：“呢套真系打得最多、操得最甘，做杀手有好多打戏，剧入面识打嘅演员都打匀晒，特别辛苦系由夏天打到冬天，记得嗰阵弯低绑鞋带，啲汗系好似水喉咁滴落个地，套剧都拍咗成年几、两年，都希望出到嚟个效果好好。”

身旁的海俊杰即向祥仔“挑机”求激战，并自言正拍摄新剧《陀枪师姐2020》，刚完成了一场MMA打斗戏份，不过就不慎被打爆左眼角，搞到爆微丝血管：“只眼就好返，不过只手有瘀、又伤到气门，啲软组织凸咗出嚟，要搵医师推番入去，好痛！仲要敷药、食药、艾灸，不过出到嚟靓就值得，我啲拳脚都唔错㗎！好希望之后可以拍一套时装武打剧。”现年56岁的祥仔闻言即抵死笑话：“谂极都唔明点解需要我哋呢啲年纪嘅演员去做！唔系后生嘅专利嚟咩？我哋做教练咪得，拍打戏唔同以前，依家要纠缠，我个膝头都拍到肿晒，要针灸。”