邓佩仪《降魔的2.0》喊功竟然系咁炼成

etin

艺人邓佩仪（Gloria）于无綫热播剧《降魔的2.0》内大展喊功，原来现实生活中她曾试过与妈咪因“唔开心事”无言对泣两小时，眼泪流不尽，伤痛感觉至今仍留心中，成为“借镜”帮她入戏。Gloria于《降》内扮演“千金小姐”施莱斯，与“精灵”胡鸿钧吻戏连场成热话，当事人却表示其实最难忘戏内的亲情线：“今次我同麦凯程演两姐弟，仲要感情好好，而现实生活中我同自己哥哥都好Close，我就将呢份感情融入角色内。”Gloria难忘其中一场戏交代麦凯程，因健康问题陷生死边缘，她需要爆喊：“好明白为咗至亲，宁愿将自己条命嚟换畀对方嗰种嘅感觉。今次演得好有Feel，好彩现实中我嘅亲属家人都好健康。”

这些年来Gloria“最悲伤的一次”发生在18岁，情景至今历历在目：“嗰次系唯一一次唔开心嘅，我连续喊咗两粒钟，我妈咪见到我咁，就坐喺对面一齐喊，好心痛见到妈咪为自己不停咁流泪。直至依家拍喊戏，只要谂番当时我就会好有感觉。”Gloria拒绝透露当时发生甚么问题，只淡然补充：“总之问题最终系解决到嘅。我只可以话7年嚟我都冇再咁喊过，而且系我同屋企人唯一嘅一次，亦令我明白到原来人可以有咁多泪水！”

今次戏中不乏打戏，Gloria正式尝“打女”滋味：“有场戏讲我被魔鬼用法力扯上半空，之前都吊过威吔知系乜嘢回事，但当时冲力好大，第一Take我真系胆怯。（愈打愈好玩？）应该咁讲，之前试过拍到腰伤，依家拍打戏一定拉晒筋先，经验多咗，信心自然大啲。”今次遇上男一马国明，未入行前是电视精的Gloria竟“失望而回”﹕“我同佢得场食饭戏，真系缘悭一面。试过有日我留咗喺现场睇佢开工，佢嘅演技令我眼湿湿，希望日后有真正嘅合作机会啦。（想同佢演乜关系？）乜都得，最紧要有多啲对手戏，我未敢谂扮佢另一半，惊衬唔起佢呀。”​