【天生手脚唔协调】孙慧雪表演中国鼓怕累全村人

etin

艺人孙慧雪（雪雪）日前到将军澳电视城，跟剧集《机场特警》一众演员，为本周六的慈善节目采排表演中国鼓环节。她自爆企第一排，所以好冇信心，虽然有节奏感，但就手脚唔协调：“练咗两日㗎啦，会依赖企我隔篱嘅黄子恒同许家杰，许家杰已经好好帮我数拍子，因为会打得愈嚟愈快，都惊甩Beat，睇番啲练习片，我系慢咗半拍，到时呢个环节系Live，原汁原味播出。”为演出将勤补拙的雪雪，每晚借用囝囝的儿童鼓来练习，却被囝囝百般阻挠：“佢会同我抢，然后打番佢自己嗰啲，佢真系打得劲过我，冇鼓就惟有听耳机记拍子。”讲到节目《姊妹淘》翻生，雪雪兴奋话月中会复拍，并透露主持方面或会再注入新血：“详情未知，因为都系单独咁见，继续系之前班主持，可能再加多1、2个。”又谓疫情中经常于社交平台分享煮食片，而得到监制赏识，届时会专攻煮食范畴：“喺节目入面教大家整啲打卡甜品，同事都畀咗好多食谱我钻研，煮嘢食比起打鼓系更有信心！”​