马国明晚晚唔黐家私窦收埋女友？

etin

被喻为“钻石笋盘”的马国明，直言入行至今未试过跟圈外人拍拖，觉得圈外人难理解艺人工作。他自爆被母亲埋怨天天不归家，误会他有女友并发展同居生活！谈到跟他传足10年绯闻的唐诗咏，他直言将来各有另一半，自然水落石出，毋须多作解释。

马国明与胡鸿钧（Hubert）于无綫剧《降魔的2.0》再度合作，默契十足。早前二人受访时大方谈绯闻，不约而同表示对“绯闻”两字免疫，不会感到困扰。与契妹唐诗咏屡传绯闻的马国明坦言：“到将来佢或者我有真嗰个，大家就知咩事啦！”

跟圈中人相恋，很容易成为大众焦点，问马国明会否觉得跟圈外人拍拖相对简单？他却不太认同，并自爆初入行时，被母亲误会“金屋藏娇”，他说：“我入行后都未试过同圈外人拍拖，因为圈外人好难了解我哋呢行，连我阿妈开头都了解唔到。记得有一排我拍到天昏地暗，阿妈成日见我唔到，有一日佢话‘阿仔你唔好呃我啦，你系咪同个女仔同居紧呀？点解咁耐冇返嚟？’我话唔系，真系好忙。当然佢依家知道系咩一回事，几日唔见我都觉得好正常。”

胡鸿钧：绯闻困扰唔到我

拍剧时跟女演员日对夜对，但他强调未试过戏假情真：“我从来唔系因为拍剧而拍拖，唔觉得难抽离，因为你就算好锺意个角色，一Cut机嗰个人就唔系个角色咁样。”在旁的Hubert即笑言拍剧以来，没有一条实质的感情线，想体验也没机会。

先后跟许廷铿与蔡思贝传绯闻的Hubert，被问会否觉得跟异性传绯闻，比传同性恋更易接受？他豁达地说：“绯闻系困扰唔到我，作为艺人一定会有花边新闻，唯一系唔想牵涉到嘅人有Hard Feeling。”

​恨演同志角色

马国明与Hubert因经常合作而熟落，异口同声表示想挑战高难度演同志，马国明认真地说：“我想做同志角色，唔系搞笑嗰种，要拍出嚟有啲浪漫，难度好高，都想挑战吓。（Hubert系首选对手？）系其中一个，佢青靓白净。”而Hubert认为与马国明演同志有说服力：“如果两个都好Man，反而CP感冇咁强。我同佢都OK，幻想到我哋两个行出嚟，话我哋演同志都有人信。”