艺人英文大晒冷！黄宗泽挑战2分钟鸡肠成热话

etin

无綫新剧《飞虎之雷霆极战》除咗爆破场面够震撼，cast阵容亦非常鼎盛，黄宗泽、吴卓羲、苗侨伟、马国明等艺人演参，一众型男齐齐斗戏，当中黄宗泽大晒英文嘅演出更成为网民焦点，剧情讲到为说服外籍特工弃暗投明，以两分钟全英语对答，并刻意强调“T”及“D”字尾音，咬字相当清晰。

其实仲有唔少艺人喜爱晒冷英文，好似艺人陈伟霆去年喺品牌广告片中大晒英文，“What time is it？”够晒经典，仲话自17岁参加歌唱比赛后就梦想成为艺人，转战内地多年嘅佢英文未有退步，广告片一出更有极大回响，引起网民热话！

歌神陈奕迅（Eason）2017年于ViuTV《短暂的婚姻》中亦大晒流利英文，中学已到英国升学嘅佢讲得一口动人英国腔，唔少网友大赞Eason唔止唱歌好听，讲英文仲好听，更形容为一种享受，正宗“耳朵怀孕”！