朱敏瀚开生日P 余思霆似足女主人跟到实

admin

有无綫“御用细佬”之称嘅朱敏瀚寻日（23日）28岁生日，廿四孝女友余思霆为佢搞生日派对，并邀请一班好友包括张景淳、张振朗孖女友杨偲泳、罗天宇等出席，十分热闹。

场地摆有卡通气球等装饰，墙上贴有“朱敏瀚我们爱你”嘅Banner，向身为忠实球迷嘅寿星仔，送上曼联足球3D蛋糕，认真贴心！当朱敏瀚用木棍扑爆蛋糕时，余思霆十足糖黐豆企喺旁边，犹如女主人一样。寿星仔喺社交网留言：“遇到比自己更着紧过我生日的朋友，我很幸福！多谢兄弟的惊喜，多谢妳的预备#朱敏瀚爱你们”