汤洛雯冧爆收Cake 妹妹晒线抢Like

etin

“靓汤”汤洛雯早前生日，继同屋企人、好友高海宁等人庆祝后，呢日佢妹妹汤乐瑶再有表示，原来妹妹亲手整咗个独角兽造型嘅蛋糕畀佢，简直靓到爆！靓汤都忍唔住赞妹妹多才多艺：“我呢个妹虽然好多缺点，但系优点一定多过我，佢嘅艺术细胞真系宇宙最强，多谢你整畀我嘅蛋糕，我好锺意！虽然迟咗几日但系见到你整咗成日，冧咗！”佢爆料话后面幅画都系妹妹画，又笑问充满艺术细胞嘅妹妹，点解要读法律。见到靓汤两姊姊真系好省镜，低胸上阵嘅妹妹条事业线若隐若现，相当吸睛，姊妹情深嘅两人即刻获大批网友同圈中好友畀Like！​