邝洁楹勾搭男友好兄弟报复出轨贱男

etin

无綫“白富美”小花邝洁楹的恋爱史一只手数得完，最伤最痛是男友“出轨”搭上其好姊妹，迫使她策划复仇，并锁定男友的好兄弟作为目标！成功令对方爱上后，一心报复的她秒速飞甩对方，非常残忍！

现年28岁的邝洁楹（Judy）既有清纯外表，又出身自富裕家庭，想必裙下之臣众多，但她原来仅拍过四次拖！自言对感情事非常认真的她，可惜遇上渣男“出轨”搭上她的好姊妹，令她晴天霹雳：“嗰时喊咗好耐，有啲抑鬱，仲有谂过报复添！记得晏昼发现佢哋一齐，夜晚就谂到要点复仇，就系搵佢好兄弟！”结果翌日付诸行动，她致电男友的好兄弟诉苦，力数贱男的不是。

一走了之冇解释：佢应该好憎我

对方出于正义，每日来电送上安慰，未几真的产生怜悯之心爱上Judy，消息亦很快传到其前男友耳边：“我就系想佢锺意我，报复嘛！佢又真系锺意咗我！当时男友问我点解要咁做，我咪话佢终于知道我系咩感受啦！我系唔锺意个男仔，最后都冇同佢交代就飞咗去美国，我谂佢到依家应该都好憎我！（唔同人解释番？）冇呢份勇气，好在听讲佢已经结咗婚。（咁男友同你个好姊妹仲有冇一齐？）梗系冇，我都知佢哋唔长久，当然后来男友都有悔过啦！大家都有出嚟见面。”

​与圈外男了解中　拖足两年

经历几段情伤后，Judy笑言对爱情仍有憧憬，现时与年长一岁的圈外男仔了解中，大赞对方有上进心，但双方关系已胶着两年多，仍未能更进一步：“其实问题喺我度！我好麻烦，上年成日出埠冇乜联络，佢有段时间以为我对佢冇兴趣，因为我成日搵借口唔赴约，点知前排撞到又倾番，仲系酝酿紧，呢个时刻仲未一齐，我要肯定对方系真心先得，但我唔会主动问佢，否则占下风。（唔惊人走埋？）妈咪都有咁讲，咁走咗唔系真爱啦！”

问到父母可想她早点出嫁？Judy笑指两人睇法不一，父亲叫她慢慢挑选，母亲则较为心急，早年更为她搞相睇：“25岁之前就成日话我唔细，嗰次有出过去，对方家长都在场，气氛好尴尬，最尾我顶唔顺，激动到冲去厕所喊，吓到妈咪冇再咁做。”