效力16年！35岁杨秀惠离开无綫：多谢支持

etin

现年35岁嘅杨秀惠现早前荣升人母，现正喺家乡马来西亚坐月。不过，原来佢已经离开效力16年嘅无綫，而现时正热播嘅《十八年后的终极告白》系佢嘅告别作！

杨秀惠除咗无綫工作亦有美容事业，近年佢仲全力投入搞生意，有指为咗生意及家庭上双线发展，加上唔想做啲“小三”角色，接剧时都要谂过，不过似乎未如理想，除咗《十八年后》饰演哑女一角有所发挥外，其馀演出都系小角色，令佢萌生去意。有传佢去年中想赔钱走人，但无綫再三挽留佢，所以再签约一段时间。而喺呢段时间，杨秀惠极速结婚兼生B，但最近因疫情令佢一直未有归期，工作大受阻滞，所以即使未完约，无綫都同意杨秀惠赔钱提早离巢。

佢喺社交网发文多谢无綫：“多谢大家一直以来的支持🙏我和TVB的合约在早一段时间已经结束了。首先想多谢TVB一直以来都给了我很多机会，是我去香港以后一直工作的公司，很感恩，系呢两年间TVB不断安排左好多好好嘅剧集角色俾我，亦都有飞去外地嘅旅游节目同其他唔同嘅节目主持工作俾我，但因为我真系时间上配合唔到，所以都未能参与，觉得好唔好意思。非常感谢TVB以及所有同事咁多年来嘅帮忙，请原谅我无法亲自一一谢谢你们，非常感谢🙏❤之后我会继续努力，照顾好家庭和生意。希望大家会继续支持我❤️”

杨秀惠2004年参加华姐选美加入无綫，喺处女作《赤沙印记@四叶草.2》担任女主角，形象清纯。而近年喺《鬼同你OT》及《大帅哥》中表现备受注目，更获提名最佳女配角，不过最终无奖而回。