戏内斗到戏外？熊尚善P走大小姐独占美景

etin

剧集《爱．回家之开心速递》中“熊尚善”滕丽名同“大小姐”林淑敏，喺剧中成日都针锋相对，但现实中其实非常老友，昨日仲约埋大家剧中嘅另一半“潮伟”袁文杰同埋“送水辉”许家杰齐齐行山，趁住假期吸收大自然空气。由于近日有唔少市民行山，故留下唔少垃圾，令四位即时喺社交网拍片呼吁大家，记得垃圾要自己带走，唔好污染大自然美景。

四位作出“温馨提示”之后，继续努力行山，最好笑系滕丽名同林淑敏行到山顶齐齐留倩影，点知滕丽名执执吓相，竟然连林淑敏都执走埋，独霸整个美景，滕丽名留言：“执相嘅嘢，执执吓就会执大咗………sorry 大小姐！”唔少网友估唔到佢哋系现实生活都一样咁“誓不两立”喎！​