Gym Room重开 胡定欣急约豹嫂操甩鬼祟肉

etin

近日疫情稍媛，部分被强制关门的娱乐场所陆续解封，Gym Room就系其中之一，一向锺意做运动嘅胡定欣就即刻约埋好姊妹胡蓓蔚（豹嫂）去操练，佢喺社交网上载二人着住Sports Bra嘅运动装束照片，见佢哋冇做Gym咁耐身形一样咁Fit，不过胡定欣就话自己肥咗：“多咗肉嗰度冇畀你睇到啫！平时Fit开多旧肉仔都嫌多。”可能系太耐冇操嘅原因，钢条身形嘅胡定欣都话简单操吓都好辛苦，成身都又攰又酸，仲搞笑话如果有个掣一揿啲鬼祟肉冇晒就最好！佢最后都有提醒大家，虽然开始冇得去返Gym，但都要记得保持卫生！​