医生断错症！卫诗雅左脚骨折5个月未好番

etin

艺人卫诗雅与伍咏薇（伍姑娘）为ViuTV新剧《叹息桥》宣传，卫诗雅之前因在北海道滑雪而整伤左脚，她称仍未痊愈：“之前医生话条骨裂咗，原来系成条骨断咗，依家终于知道要点医，我唔可以着高跟鞋，今日只系着矮踭，我好惊再伤。我伤咗五个月，其实应该要好番，但之前医得唔好。公司都好担心，因为我有套电影九月要开拍，依家有可能提早到七月，戏中我要跳钢管舞，导演都打嚟问我对脚伤点，最坏打算系用替身跳，但我想自己跳。”她又指现时两只腿粗幼不一：“因为左脚伤咗冇肌肉，我依家唔止系伤口痛，系成条腿都痛，痛到瞓唔到。”

至于伍姑娘在剧中的角色患有情绪病，她坦言演出难度高：“我初时以为系监制搵我做呢个角色，原来唔系，系导演搵我，导演话想我将以前畀人睇到嘅伍姑娘放低，我好开心佢哋当我新人咁畀机会我。今次拍得好爽。（会唔会拍到有情緖病？）本身都有少少，唔会抽离唔到，我做咗90几年演员，冇试过抽离唔到，因为我个人超级乐观。正常人都有压力，呢啲唔系病态，但要识调节处理，呢个都系我演过咁多角色之中数一数二最锺意嘅角色。”

伍姑娘表示跟卫诗雅只有两、三场戏，大感可惜。又大赞对方：“佢好Sweet，佢做戏好好，真系做得好，所以我先抄佢牌同畀佢抄牌，否则我唔理佢，我好拣人。”对于新剧已经在内地平台率先播出，但香港下周一始播放，问到会否担心影响收视，伍姑娘说：“好多剧都系大陆播咗，香港先播，唔系得呢套剧系咁，我哋都冇办法，但只要剧本，啲人会重睇，所以对收视唔担心。”​