“竹升妹”张曦雯背佛偈 最难系咩？

etin

艺人王浩信及张曦雯（Kelly）日前在天坛大佛为无綫新剧《踩过界II》拍摄外景，剧情讲述Kelly被浩信打晕在地上，之后众人到大佛拍摄寻人场口。王浩信表示有场戏来到心经简林寻找之前与朱千雪的回忆：“喺入面就会情绪激动，Kelly就会用佛法开解我，对外国返嚟嘅演员应该会有啲难度。”Kelly笑言：“有两页几三页嘅佛偈要开解佢。（背得辛苦？）都OK嘅，我哋之前拍咁多法庭嘢，记就难唔到我哋，不过记嘅同时要好有感情，所以系个挑战。”

他们表示在大澳拍一星期外景，Kelly说：“我哋日日0530就会起身，我哋住喺海边，起身见到海，呢度空气清新，啲人都好nice，觉得好舒服。”她谓之前拍《港生活·港享受》曾来大澳，问到之后可会与男朋友再来？她说：“佢之前有谂过带只狗入嚟探班，但好似有啲远，所以都系迟啲先算。”而浩信亦谓想不到来到大澳都很有旅游的感觉，问到比起在缅甸拍外景，留在香港是否反而更好？他表示：“舟车劳顿方面减轻咗好多，转location方面悭咗好多时间，呢度嘅景都几靓，各方面都唔错，几好嘅选择。”​