囡囡生日王浩信冇影 陈自瑶晒独照惹揣测

etin

艺人王浩信与太太陈自瑶（Yoyo）近年屡传婚变，日前囡囡王靖乔8岁生日，陈自瑶就喺社交网透露亲自整生日蛋糕为囡囡庆祝，又大晒布置场地嘅照片，非常有心思，佢亦留言：“亲手做了个蛋糕，送给最亲爱的你，小宝贝生日快乐，你快乐所以我快乐。”相中只系得Yoyo一人，王浩信继续冇影，而唔少圈中好友好似刚荣升妈妈嘅杨秀惠、黄翠如、李施嬅等都有送上祝贺，但王浩信就未有留言，只系赞好该则发文。睇番王浩信嘅社交网，佢并冇甫出囡囡生日相或家庭照，反而改晒单人独照，令网友再生揣测。