美国婚礼挞Q！郑俊弘香港摆酒嗌头痕

etin

艺人郑俊弘（Fred）及谭嘉仪昨日现身电视城录影节目，主题围绕母亲节。谈到怎样庆祝，Fred表示：“我妈咪仲喺香港，佢同未来外母好好倾，可以一齐庆祝。（冇得出街食喎。）通常都系何雁诗煮，几日前一齐食普通晚饭，佢净系谂煮咩餸都好紧张，最终煮咗炆牛腩、虾仁炒蛋等好多餸，掂呀！（送咩礼物畀两个阿妈？）又未谂到喎！”

讲到年尾婚礼问题，他说：“应该都唔去美国，虽然何雁诗有少少失望，但都冇办法。我哋落咗订嘅，一系1周年过去开派对啦。依家计划喺香港摆酒，不过年尾好多酒店都满晒，寻晚我哋两个喺屋企数数吓，发觉最少要摆30围，好头痕。”

而带同妈妈等家人到场的谭嘉仪则表示妈妈4月生日，一家人会连同母亲节一并庆祝：“我哋几个一人煮一味餸送畀妈咪，我会煮冬菇炆鸡翼。（你煮餸好叻？）外国留学期间我成日煮饭，冬菇炆鸡翼系我嘅‘饮送’，好捻手。”单身的她提起拍拖即露出渴望神情，在记者推波助澜下要求Fred介绍，当对方表示有笋盘，她即冲口而出：“做吓朋友先呀！”​