放疫监扫6个手袋16件衫庆祝？袁咏仪咁答

etin

艺人袁咏仪（靓靓）早前原定到内地拍剧，但因疫情严峻而延期，近日内地疫情有所缓和，靓靓便飞到内地继续工作，前日完成隔离之后，有网民爆料话喺商场嘅名店撞到佢，仲话睇住佢轻轻松松就扫咗6个手袋加16件衫，网民推测一向锺意买名牌手袋嘅靓靓，今次大手扫货可能系想庆祝坐完“疫监”！

靓靓知道咗呢个扫货消息之后，喺社交网度留言承认有买，不过冇买咁多：“澄清没有，不可能有6个包，都是小钱包，那有16件衣服，6件衣服都没有，是帽子。”佢老公张智霖曾经喺真人骚到讲过：“老婆，不要再买包了！”唔知系咪怕老公嬲猪，靓靓最后仲搞笑补充话：“不要夸张，不然不能入家门，谢谢！”