代朱智贤照顾病犬！谢东闵见狗如见人

etin

艺人谢东闵昨日现身电台宣传剧集《庆馀年》的主题曲《最冷的一天》，他表示今次担任郑裕玲的电台节目嘉宾，心情紧张：“好荣幸，但对住Do姐（郑裕玲）好紧张，我要小心啲讲嘢，唔可以太轻松同轻佻。（佢问嘢好尖锐，会问感情事。）我乜都会讲，唔会讲大话。”

荃湾跑到元朗来回

谢东闵称最近拍毕剧集，每日都很勤力做运动：“我经常会跑山，体能好咗，跑山跑18公里，由荃湾跑到元朗来回。（唔惊人多？）我跑小路，唔多人，人多就戴口罩跑，我除咗跑步好少出街，都系留喺屋企。”他坦言最近连绯闻女友朱智贤也少见面：“只系见到佢只狗，佢放咗只狗喺我屋企，因为佢只狗有心脏病，一日要食4、5次药，但佢要返工。见唔到人，见住只狗先。”

想去内地登台。

谢东闵透露新歌的在微博的点击率已有七、八千万：“真系好开心，希望疫情过后可以去内地登台唱歌。（咁好成绩会唔会派福利？）我今日会同钊峰直播唱歌。其实首歌有咁好成绩唔关我事，系因为套剧喺内地好受欢迎，首歌咁多人听我都好惊讶，所以想同内地观众见面，唱歌畀佢哋听，我都想叫唱片老板将首歌整一个国语版。”