自認怕冷唔怕熱 陳庭欣被封打底王

藝人陳庭欣現身電視城，為無綫劇《兄弟》外景化妝。由於天氣轉涼兼下雨，她自言已穿了兩條長褲，更打算於戲服內多添衣：「起碼着3、4件先得。我本身怕冷唔怕熱，尤其手、腳比較低溫，出外景平時都會着多啲，試過着肉色絲襪再着高跟鞋畀其他同事笑婆仔，我已被封打底王嘞！」

封「雀后」

下星期即將出發到菲律賓外景，她表示倘未有時間準備行裝，但會於當地拍攝連串飛車及動作場面，故已有心理準備會辛苦：「希望農曆年前拍得晒，可以開開心心過年。（出埠休息避年？）唔會，要幫手做綜藝騷，有得𢭃利是同派利是都開心嘅，我仲諗緊買乜利是封，等人認得係我派。」家有3隻鸚鵡的她有意訂製自家鸚鵡利是封，惟成本很高：「打消咗念頭，寧願將啲錢包大封啲利是。我依家被封「雀后」，人哋派帖畀我都係咁稱呼。我會解釋清楚，費事以為我好爛賭呀！」