|
有報道指歐陽震華(Bobby)不獲無綫藝員部續約,陳豪今日喺將軍澳出席活動被問到此事時,佢話最初未睇過報道,當佢了解後就話:「Bobby係我哋以前講嘅大哥,佢真係一個忠臣,同TVB合作咗好耐,我都係睇佢長大,如果佢真係不獲續約,我會覺得係可惜,我好欣賞Bobby,係一個好有份量嘅演員,如果冇咗會覺得可惜。」
問陳豪會否覺得有啲奇怪?佢話:「我唔知呢個消息真確性有幾多,但係我聽到會覺得意外,佢有份量,演出又得到肯定,除非佢自己話唔續約,如果唔係見唔到有其他原因話唔同佢續約,0依家啱啱有消息傳出,我諗不如等公司同佢接觸,斟着返合約上嘅嘢,至於係咪一時之失,我都唔係好敢講,但係流失咗佢會好可惜。」
咁陳豪本身合約又點呢?佢笑說:「我啱啱續咗約,商業秘密咁耐,要過一段時間先。」
|
|