|
近日港視嘅《導火新聞線》,喺網上大獲好評,讚《導火》劇情好睇、製作又認真,就連一條傷痕都做得好仔細,叫好又叫唔叫座呢?港視上星期嘅收視全線上升,睇嚟《導火》真係叫好又叫座。
上星期港視點播收視嘅「每日平均收看香港電視的獨立登入數目」,就由54,000上升至59,000,而「每天平均每位登入用戶收看時間」,就有84分鐘上升至97分鐘。另外直播收視嘅「播放香港電視的平均裝置數目」,就有109,000上升至123,000,睇嚟《導火》一出,幫港視拉番唔少收視,今日就係《導火》嘅大結局,唔知收視會唔會破紀錄呢? |
|