【完喇完喇】亞視《六合彩》大結局 蔡國威感不捨：差啲喊出嚟
今晚係「六合彩之子」蔡國威，最後一次喺亞視主持《六合彩》，佢今晚着得好靚仔讀出攪珠號碼，並於節目完結時瀟灑揮手，佢話：「多謝大家支持，我哋有緣再見。」難掩不捨之情。蔡國威之後接受《蘋果》訪問，講下正式做完主持感受，佢話：「完喇完喇完喇，真係做完喇，今晚係我最後一次做六合彩攪珠啦，咁就真係有啲唔捨得，但成個過程內，盡量控制自己（情緒），希望自己以正面心態做好佢，直至係最後嗰句，再次『多謝大家支持，我哋有緣再見』，縱然我知道呢個機會率唔係好高，但係我都希望就算1%都好，我都希望有機會喺《六合彩》同大家見面。」
蔡國威又謂鏡頭前情緒控制得好好，佢話：「但做完後，馬會同事好好，送咗一份小禮物畀我，令到我好感動，反而令我喺幕後差啲喊咗出嚟。」
佢續說：「同埋我放工走時，都唔捨得換我套衫，平時？我九秒九換咗套衫喇，點都好，最後希望新主持能一切順利，六合彩繼續惠澤到好多市民，同埋希望大家六合常中。」
蔡國威BB，有緣再見呀﹗
八月在J2直播了
页:
[1]