蔡少芬自爆胸口有硬块疑患乳癌 一见张晋即爆喊：好对唔住佢

etin

艺人蔡少芬近日亮相网上节目，自爆原来当年与张晋结婚数月后，竟发现自己险患乳癌：“我未生之前睇医生，我差啲有乳癌，因为我有乳腺增生，我有一个位系有硬块。”她透露当时医生连插4针打算抽取样本作检查，结果硬物令针也变弯曲，无法进行检验，令她非常震惊，一见到张晋更忍不住爆喊：“我喊到不得了，我话我对唔住呀，啱啱同你结婚都未够一年，我就强直性（脊椎病），依家仲有埋乳癌，我唔知点面对你。我真系好对唔住我老公，因为啱啱结婚都冇一年就发生咁多嘢，我觉得好对唔住佢，喊到我死。”

幸好她及后转医生，检查报告显示是良性，生B喂人奶能有助改善情况：“系良性，Keep住3个月检查一次，如果冇乜嘢就冇乜嘢，但医生劝我喂人奶，因为喂人奶，乳腺增生会愈嚟愈收，冇咗呢样嘢就好难有癌症。”及后她幸运怀孕，3胎均选择母乳喂哺，乳腺增生问题的确好转：“估唔到6年后又有第3个，我依家已经喂完，我就好安心，我应该唔会再有呢个病，成件事我都觉得好感恩。”