何雁诗为“天使”仔而哭 指Asher唔识讲嘢：全家人都学紧手语！

etin

歌手何雁诗昨日（8日）担任港台节目《照顾者们》的活动司仪，育有患罕见病“天使综合症”儿子Asher的她，分享家庭近况，同时向照顾病者家属送上鼓励。阿诗接受访问时指2岁半囝囝早前在美国接受完3星期的治疗后大有进步，她说：“以前爬唔到，依家识爬，同埋活动范围大咗，希望有朝一日可以拖住佢行，不过佢就做唔到运动，（学识讲嘢未？）‘天使综合症’嘅小朋友系唔识讲嘢，所以我同全家人都学紧手语，希望佢大咗可以同沟通，其实佢今日进步过昨日，我已经好满足。”她又指囝囝在每日接受5小时的过程中，因为太攰而日日爆喊：“其实佢唔知点解要接受疗程，所以好扭计，不过佢咁细个，完成疗程都好叻啦，我就系佢疗程最后一日喊，不过系开心嘅眼泪。”问到农历年和囝囝有何庆祝节目？她指老公会随父母带囝囝到日本旅游，而她则留港工作，她说：“我嚟紧会参加高尔夫球比赛，仲会有其他嘢做，我想出嚟做嘢，唔系日日凑仔，做嘢先可以平衡到心理。”又指《照》节目可带出能量，因为外界只关注特殊病患者，其实照顾病者的身边人，其心灵也需要人关怀。