王君馨学识叫心中魔鬼收声 与老公接受婚姻辅导增进感情

etin

艺人王君馨（Grace）接受谭玉瑛主持的电台访问，宣传新歌《Get Down》，讲述当面对负能量时，要学懂叫心中的魔鬼“收声”。在访问中透露，她指数年前成为独立歌手后经历不少风浪，而每次遭到拒绝，都会出现“心魔”：“以前经理人有啲工作倾唔到，佢唔会同我讲，但离开咗旧公司之后，每次畀人拒绝系自己直接受，啲客会问可唔可以帮手拍少少嘢，又要倾价钱，我本身面皮唔够厚，我要再厚啲，但我个心要健康，人哋拒绝我，可能系佢唔得闲，或者唔够钱，所以撒旦好叻‘你红人哋咪唔会拒绝你啰’，呢啲声音听得好多。（有冇天使帮你？）有，除咗神，身边有好多姊妹，好似卫兰、卫诗、锺舒漫，大家都喺呢行好多年，又系独立歌手冇签公司。”

Grace与老公Daniel结婚7年，问可有“七年之痒”？她大爆去年完成个人演唱会后受到情绪困扰，回家不断向老公发泄，令Daniel终忍不住开腔：“记得做完演唱会一、两个月，自己有啲委屈同觉得做得唔好，情绪好波动，佢（老公）有一日都话未必受到我咁多情绪，因为佢过去几个月都受咗好多，我先打开眼睛睇。”之后两人一同接受婚姻辅导，幸好过程中令夫妇俩重新认识对方，她又说：“我哋上咗十几堂，喺专业底下，我慢慢学习欣赏我老公，而每次辅导完之后，我哋都会去食饭，互相坦白讲出感受，两个人感情又再好啲。”