|
无綫剧《逆天奇案2》播出以来收视节节上升,日前陈展鹏、林夏薇、张頴康、黄智贤及蒋祖曼互相“出卖”互爆大家拍摄时搞笑一面,其中一幕陈展鹏约林夏薇见面希望表白想复合却被拒绝,陈展鹏透露现场要步行超过1000级楼梯在一棵大树旁拍摄,除了行到气咳,连向来有运动的林夏薇当日都行到脚震震,林夏薇解释:“当日系黑雨警告,大家都冒住畀雷劈嘅危险去拍,唔系讲笑,真的有个雷兜头劈落嚟,等咗几个钟稍为停雨,我哋就争取时间行咗超过1000级楼梯上去,拍完再急急落楼梯,惊又再行雷闪电,陈展鹏就笑我落楼梯脚震,我的确系控制唔到啲肌肉,因为对脚好攰,不停咁抖,畀他发现咗,成日用嚟笑我。”
至于全剧“最疏扶”的角色非张頴康莫属,经常都偷闲练高尔夫球,张頴康笑言:“我呢个精神病人,喺监狱里面,又唔使化妆梳头,我等大家埋位有好多时间,又对住成个草地,我车尾长期有两枝高尔夫球棍,就当然利用一下时间练习啦,点知俾工作人员拍低咗视频,话我真的似足精神病人,所以这个角色不用培养情绪,我一嚟就入戏。”蒋祖曼就爆料指黄智贤(Ben)是开笼雀,她说:“佢只要未埋位前就唱歌,表演欲非常强,有时拍到半夜突然传来午夜歌声,佢话可以令大家唔眼瞓,不过佢真系唱得好好听,更俾我偷拍到他,我成日都问佢几时带我去登台。”阿Ben亦赞对方唱歌好听,原本《逆天》首辑之后都想一齐情侣档登台,可惜遇上疫情,蒋祖曼即谓: “我有好多首本歌,随时都可以配合,我都好想掘金呀。”
《逆天奇案2》有不少艺人惊喜客串,其中相隔26年再拍无綫剧的梁小冰终于在(16日)一集登场,她以落泊又苍老的造型示人,满头白发加上皱纹,样子比现实中的小冰要老一截,小冰坦言答应监制邀请演出,全因角度够高难度:“唔经唔觉都主演咗50几部作品,作为演员梗系想所有角色都演吓,呢个角色好有挑战性,大家都会谂我会演CEO高层呢啲角色,呢个角色无论遭遇同造型都够晒估唔到。”
谈到老妆的过程,小冰笑言不足半小时便完成,她指由于监制想于剧集播出前尽量保密“老妆”造型,她为此花了不少心力:“好多演员要求合照,我都要谂好多原因去拒绝,因为唔想曝光个妆,造型一曝咗光就会令到观众冇晒惊喜。”除了化老妆,她更为角色而刻意减磅:“我最高峰体重系132磅,拍摄嗰阵我减到116磅左右,我依家就已经减到104磅,简直系重生一样!”小冰大叹Baby Fat搞到“襟老唔襟瘦”:“就算我瘦到成条藤咁,块面都系肥肥地,要去到参选时93磅嗰阵先会睇落系瘦。”
|
|