林峯爆两兄弟今年有望合作 吴卓羲被问及菊梓乔即落闸

etin

艺人林峯与吴卓羲（Ron）昨日（15日）为麦美恩主持的清谈节目《Mayanne小喇叭》担任嘉宾，林峯指在剧集《使徒行者3》中跟麦美恩合作过，故特意跟好兄弟Ron现身支持。Ron称跟林峯由训练班相识至今25年，今次在节目中难得同框，不少回忆涌上心头，问到会否担心被麦美恩问感情事，他笑言自己并非第一天入行，所以不会轻易被套话：“如果有人追问，我就叫佢睇新闻，总之工作至上，冇乜拍拖时间，如果真系拍拖就要牺牲瞓觉时间。”随后又拉开话题，表示自己最近在不同地方工作，刚刚从马来西亚返港。提到他在当地宣传电影时，欲跟女粉丝握手却被对方请食柠檬，Ron为此解画：“我有少少玩，趁佢拧转身先递只手出嚟，佢系睇唔到，所以唔系佢冇礼貌，亦都唔系我冇魅力。（少人请你食柠檬？）老实讲真系冇。”
另外，林峯指今年有机会跟Ron一齐拍剧，正在洽谈中，而早前两人已合唱新歌《友情未完》：“首歌筹备咗一年，我哋拍综艺节目《披荆斩棘》嘅时候有呢个构思，觉得歌词好贴合我哋嘅兄弟情。”问到为何不预另一位好兄弟黄宗泽一齐合唱？Ron即反问：“佢识唱歌咩？我冇听过佢唱歌。”而当谈到Ron的绯闻女友菊梓乔最近签新唱片公司，Ron闻言即落闸：“今日讲返首歌先。（知唔知？）知，佢觉得开心同舒服就得，去边我都会支持。（同佢系咪都友情未完？）梗系啦，我哋系朋友。”