陈豪再拎视帝唔加出骚价：有嘢做已经算系咁

etin

视帝陈豪昨午（27日）到沙田出席活动，即场示范“煮啡身手”，又与被选中的客户影合照及互动，场面热闹。这是他半月前再成为视帝后首个商演活动，当被问到有否调整出场费时，他爽快表示：“梗系冇啦，最紧要开心价。依家市道唔好，大家要好好把握手头上每个机会，有嘢做已经算系咁。（减价？）好似疫情嗰时咁，大家互相帮忙，减啲都冇所谓，尽量同客户互补不足，大家一齐解决问题。”谈到得奖后的庆祝，他指暂时未有，但稍后有计划安排与粉丝食饭：“真系当咗佢嘅朋友，边个嚟到就嚟，嚟唔到就下次啦。”农历新年期间，他则留港度岁：“因为嚟紧要开新剧，所以即使同太太计划咗会有一个二人世界嘅旅行，都要再度吓期先。”

至于早前与太太、子女、母亲及兄长等一行7人到欧洲旅行半个月，他表示行程相当愉快：“其实系上次我同太太陈茵媺去过（葡萄牙及西班牙）后印象唔错，所以都想带小朋友去见识吓，都系第一次带佢哋去咁远嘅地方，好彩无论机程同埋抵步后孭住背囊行好远嘅路，佢哋都冇怨言，表现令我好满意。（三代同堂陈妈妈好开心？）系，佢都算正式第一次同啲孙一齐去旅行。（有冇帮太太影靓相？）有，不过我拍片多，啲片返到香港都未剪得晒。”至于太太会否再拍剧，陈豪指对方拍《罗密欧与祝英台》拍出戏瘾来，欢迎大家在送剧本给她考虑，不过对于再次合作，陈豪即耍手兼拧头：“最好唔好，一齐反而害咗佢，畀佢同其他男主角试吓啦。”