|
无綫剧《旁观者》刚播映完毕,剧中饰演奸角练采文的吴若希(Jinny)于社交网发文分享心声,她写到:“呢几日收到好多讯息,话睇完《旁观者》,觉得惊咗吴若希,太好啦!可以令到大家有惊嘅感觉,本人表示非常安乐。”她坦言因为面形较圆的关系,局限了监制对她的角色分配:“搵我拍嘢嘅监制都唔会畀我做严肃嘅角色,所以当我知道可以做一个咁特别嘅角色,特登做咗好多运动,令到块面可以瘦啲,感觉骷髅骨头啲~邪恶啲~!!!!重点系,真系要多谢监制嘅信任!”她透露下一个目标是希望能演一个非常英勇及穿制服的角色:“希望有监制可以赏识啦!希望我嘅圆面唔好累事啦!”粉丝们则留言认同她在《旁观者》中的演技进步了不少:“下次见到吴若希手震脚震点算?”、“咩角色都难你唔到,继续加油做唔同角色,做女一!”、“我睇紧时都觉得心寒!”、“完全无谂过你可以演绎呢个角色,好正,全剧MVP!”亦有粉丝搞笑留言:“想做保安?!麻烦监制搵佢做保安阿姐!”、“制服诱惑都玩埋,我第一个赏尝啊!”Jinny即反问对方是否“想食”她?该粉丝即解释是想“欣赏”,只不过手快快打错字了。
|
|