|
艺人李璨琛同太太梁志莹(Sophia)嘅大女李元元(Lucy)向来都系大家嘅开心果,细女李斐斐(Sucy)一出世因为得意可爱嘅样子,亦深受网民喜爱。梁志莹不时都会喺社交网分享囡囡嘅日常,而昨日佢上载一段Sucy食纸皮嘅短片,就遭到网民斥责佢“离晒谱”。片中可见,李元元边讲:“喂!擘大个口!呀!我攞唔到呀!”边将手指塞入细妹嘴入面想要“扣喉”,搞到Sucy面都红晒并大喊。梁志莹解释表示Sucy误食纸皮,家姐想将纸皮拎返出嚟,所以先出此下策,但点知细妹唔单止唔配合,仲要咬家姐,令Lucy即时痛到缩手大叫:“好痛呀!”虽然网友对于两姊妹嘅互动都觉得好得意,不过梁志莹嘅态度就令大家不满,质疑系佢冇睇实,先搞到Sucy误食纸皮。
|
|