|
艺人刘颖镟(Tiffany)昨日(25日)为现身汽车品牌活动,她表示自己有车牌亦喜欢开车:“我搭车好易晕车浪,但自己开车就唔会,所以我锺意开车。(你锺唔锺意开快车?)我怕畀人影快相,同埋安全问题,所以我只会开到车速限制嘅上限,但唔会超速,从来未试过因为超速而畀人抄牌。”不过Tiffany自言对香港道路不太熟悉,要花时间看导航,故会预多时间在交通上:“我都几大头虾,除咗返公司同返屋企之外,去其他地方都会荡失路,今日来会场都转错咗两次弯,5分钟车程,我要花15分钟。有时我车爸爸,佢问点解你行嘅路同导航显示唔系好同,我呃佢话我呢条系捷径。”另外,讲到高中的旧照近日流出,Tiffany称相片是她跟学校篮球队友的合照:“已经系十几年前,可能以前队友放过喺网,见到啲相感觉好神奇,时间过得好快。(个样同依家有冇咩唔同?)依家块脸冇晒Baby Fat,咁当然系锺意依家个样多啲。(惊唔惊有黑图流出?)唔担心,朋友唔会咁对我。”
|
|